Članci arhiva

PUČE KUALJSKI...VELIKI POZDRAV ŽENAMI I DIVUOJKAMI I STUARIMI I MLUADIMI TOVARIMI I SVIMI ČA PO DVI NOGE GRIEDU!!!

EVO SMO SE JOPE OKUPILI KO I SVAKU GODINU U VELIKIN BROJU IZMAŠKARALI SE ZABAVILI SE I SVIEGA JE BILO...TAKO TO U KALIMI GIBA, SVIEGA JE!

E SADA...OVAKO JE BILO GOVORA POSLI NOVE GODINE, STUMČINE DO TLOHA, PA ĆEMO SA MALO POČINUTI OD ALKOHOLA I OD PUSTE SPIZE.... E, ALI ČA SE DOGODI, PUC SV. KRNEVUALI, A ZUAČ?

DA MOREMO JOPE ŽDERATI I LOKATI..... PA NEKA SE KURBIN NUARUOD ČUDI!

AKO KI IMA ČUA PROTIV NEKA REČIE ODMA ILI NEKA NE PRDI!!!! A JE LI TAKO?!

PO RACI RIESTU KODLACI, PA NAN JE TAKO SVIMI DRUAGO TULUMATIII EEE, ALI NISMO LOŠI LJUDI RADI TUOGA!

POGLJEDAJTE VOGA NAŠEGA KRNEVUALA I NJEMU JE GLUAVA U ŠKUOLJKI, NEKO GOVORI DA JE PUNO POJI, NEKO GOVORI DA JE PIJANDUORA, PA DA RIGA, NEKO DA JE DROGIRUN, A UVIK ISTO U VIN SELU, MA NIKO NE VIDI DA JE UN U GUOVNIMI DO GRLA OD PROBLEMOV....

E SADA JE LI GA MUČI PRORAČUN, JE LI GA MUČI HRIPA, JE LI GA MUČI KOMUNALNI, JE LI GA MUČI KOALICIJA, A KI ĆE TO ZNATI, ALI BOGAMI JE DOBRO ČUČNU...

ČUČNU JE KAKO KOCKAR KA SVE IZGUBI...

AJDE RADI NJEGA SMO SE I SKUPILI, PA ĆEMO SA PUAR RIČI O NJIN...

NEKA UN NAMI TILI JOŠ MALO, ĆAPAĆEMO SE MI NJEGA POSLI, AMO ĆA MI VITI KAKO JE NAMI VA GODINA POČELA PO POLITIČKIN PITANJU...

A ČA SU VAN SE ODMA KOSE NAKOSTRUŠILE? ČA SE STRAŠITE?! E, E SVIEGA SMO ČULI ŽALOSNOGA

PUČE KUALJSKI POČMIMO ODMA OZGUORA IZ POTKROVLJA OVIE ZGRADE IZA MENE, DA VAN PRENESEMO ČA SE TO U VRHU DOGUAĐALO!

ŠUŠKA SE DA IZ DONESENOG PRORAČUNA OPĆINE KALI ZA 2018. GODINU NEMA PLANIRANIH SREDSTVOV ZA IZGRADNJU BILO KAKOVIH PROJEKTOV

TAKO DA LJUDI MOJI STISNITE SE JOŠ VO LETO DIKOLI POD BORIMI, JER SE NIEĆETE POPRUŽITI NA PLAŽI OD TRATICE DO ARTINE, MA KI ZNUA I OĆETE LI SE IKADA!

ISTO TAKO KAKO NI PLAŽA, NIEĆE SE NAČINITI NI CESTA DVOSMJERNA....ILI MOŽDA JEDNOSMJERNA, JER KA SU IZBORI BILI UNDA SU MLUADIMI REKLI DA MORU BIRATI OĆE LI CESTA BITI JEDNOSMJERNA ILI DVOSMJERNA AKO IN DUADU GLUAS..... A ČA SVAŠTA NIEŠ DOŽIVITI U KALIMI

JOŠ NEKO NEKOME IZ GUZICE VIRI

NEGO AJMO MI DALJE... NAVEDENO JE DA NI ČUA OD REKONSTRUKCIJE DOMA, DA NI ČUA OD REKONSTRUKCIJE STUAROGA DIJELA VRTIĆA, ASFALTIRANJA CIEST, NI NARAVNO GROBLJA NAŠEGA DUOČIĆA, A TAMO ĆEMO JEDINO U MIRU BITI..... A MOŽDA I NIEĆEMO, KA SVAKI IZBORI SVE VIŠE MRTVIH GLASA!

UNDA SE JE ODUSTALO OD DOGRADNJE OSNOVNE ŠKUOLE I NJIEZINOGA FAMOZNOGA IGRALIŠTA NA KIN VIŠE NI CRTE NE POSTOJU KAKO NI NA SEOSKIMI CESTAMI, NEKA VRAG ZNUA ČA SE VO DOGUAĐA I KI TO VUČIE!

ODUSTALO SE I JE OD BRATSKOGA DVUORA, TAKO DA PUČE KUALJSKI OD MUALE DICIE PREKO OMLADINE DO PENZIONIEROV OD SVEGA SE JE ODUSTALO.....

IZGLJEDA DA JE VUODE I BUOG RUKE DIGA!

SRIĆA NAŠA ČA SU MLAĐI NARAŠTAJI MALO OZBILJNIJI NEGO NEKADA, PA SU DOŠLI DUOKLE SU DOŠLI I IZBORILI SU SE DA VUAJ SRCEPARAJUĆI PRORAČUN NE PRUOJDE, TAKO DA SVAKA ČUAST IZUZECIMI.

A JOŠ SE NEZNA ZUAČ ILI ZA KUOGA SE JE DIGA ONAJ ERSTE KREDIT AKO STE ČULI!

A BIŽI, BIŽI!

NAJBITNIJE JE DA SE JE NA INTERNETU VELIKIMI SLOVIMI NAPISALO DA SU KALI ISPRID PRIEKA, A BOGAMI NISU FALILI KO ĆEŠ GLJEDATI OD JUGA PU ZMUORCA! JAAADAN BRATE REKA BI JEDAN

A KA SMO VEĆ KOD PRIEKA JESTE LI ČULI ČA VO GOVORU O JASLICAMI DA PRIEŠKA DICA MORAJU PLUAĆATI 300 KN VIŠE I NI PUNO PRIEČANIMI TREBALO DA NAN ODGOVORU.

I UDRILI SU NAMO DI JE NAJVIŠE POLEMIKE. OBJUAVILI SU DA JE BRGAČIJELJ NJIHOV, MA JE LI BOGATI, SVOJE NEDAJ, TUĐE UZIMAJ, UVIK ISTO S NJIMI I UZ SVE TO SU SE NALJUTILI I REKLI DA SA NIEĆEMO ZAJEDNO GUOVNA RIŠIVATI S NJIMI JER DA NEMAJU NAMJERU KUPOVATI SKUPLJE CIJEVI ZBOG NUAS.

JBG ONI ŠEFUJU I ONI SU U NABAVI CIJEVI JER SU ONI GROD. A RUAZLUOG ZA JEFTINE CIJEVI JE TUAJ ČA SU NAŠA GUOVNA PUNA OMEGA3 KISELINE ČA PUNO RIBU JIMO, A TA KISELINA ŠTETI NJIHOVIMI JEFTINIMI CIJEVIMI, AHHH UVIK SU BILI ŠKRTAVI… SAD I DALJE OSTAJEMO U GUOVNIMI DO GRLA

DA TO NE BUDE SVE VAKO ŽALOSNO, DA SE VI NAMI PUNO NE RAZOČUARATE ODMA NA POČIETKU GODINE, MI SMO ODLUČILI DA VAN JEDNU LIPU PISMU ISPIVAMO.....

SA ĆETE VITI DA NI SVE TAKO SIVO, KA MALO OKRIENEŠ NA ZAJEBANCIJU

NAVISI TO TAMO DA ZAPIVAMO....

KALAPIĆU CIJELI DAN
RADIŠ PA SI UMORAN
SMRDI NAM KANALIZACIJAAAA

ZAŠTO KAD SE RADI TU
SVI RADOVI PO SELU
NIKAD NIKAD NISU GOTOVI

KALA KALA KALAPIĆU
NAPUNI JE ERSTE VRIĆU
NAŠA BATALAŽA CVIJETA
OD GOVUN I WC NETA

KALA KALA KALPIĆU
NAPUNI JE ERSTE VRIĆU
SVE VIŠE JE KREDITA
OD KAD NEMA DRUGA TITA

MALI HRIPE BAGERI
I HERESA VELIKI
CIJELO SELO ĆE PREKOPATI

ERSTE KREDIT SAD JE TU
TEBI I TVOM NARODU
CIMENTATI ĆEMO TRATICU

KALA KALA KALAPIĆU
NAPUNI JE ERSTE VRIĆU
NAŠA BATALAŽA CVIJETA
OD GOVUN I WC NETA

KALA KALA KALPIĆU
NAPUNI JE ERSTE VRIĆU
SVE VIŠE JE KREDITA

OD KAD NEMA DRUGA TITA

KALA KALA KALAPIĆU
ŽELIMO TI MI SVU SRIĆU
JOŠ PUAR LJUDI DA PROMINIŠ
DA NAN SVOJE RUKE ŠIRIŠ

POLITIKA JE MAJKA ZNANJA
DOSTA NAN JE BILO SRANJA
SAD KAD VISE UHLJEBOV NEMA
BOLJE NAM SE SUTRA SPREMA

 

AJMO JEDAN VELIKI APLAUZ ZA VU LIPU PISMICU, AJMOOOOOO

PRIJE JE BILA ONA ZA DUKIJA, A VO JE NOVA ZA NOVOGA, PA I NJEGA OVIN PUTUN POZDRAVIMO DA SE PUNO NE NALJUTI!!!!!

IMUN VAN I JEDAN VIC O KUALJANINU ALI VUAJ JE ISTINIT

BILA OMLADINA NA PIĆU NEDER I SA ĆAKULA DI SE KI ŠIŠKA.
VUAJ KOD DORIS, DRUGI KOD JADRANKE, TRETI KOD SURE
ČETVRTOGA TUAC DOMA DOMA ŠIŠKA,
A PITAJU PIETOGA DA JE LI NJEGA TUAC ŠIŠKA
A UN GOVORI, JIE KURAC, PA DA MI NAPLUATI....

A NIEĆEMO VAN GA IMENOVATI, ALI SUDILI SMO I NJEMU

E SA DOK SMO VAKO JOŠ NASTROJENI I NABRUŠENI OD POLITIKE DA ČUJEMO ČA JE NOVOGA U RIBARSTVU OD KUOGA SVI ŽIVIMO U SELU, AKO SE TO UOPĆE SMI TAKO REĆI..... NEKA SE NIKO NE UVRIDI, ZNUA SE ČA DOGUAĐA..

PA OVAKO......

BILO JE GOVORA DA SE DOBRA, STUARA RUŽA TOMAŠIĆ, KUA JE U PARLAMENTU EUROPSKIN
IZBORILA ZA BOLJI NUAČIN KORIŠTENJA MRIŽE PLIVARICE.... NE PRIMJETI SE BAŠ, LJUDI SU SE OČRVALI DOMA OVA 2 MISECA

NIKO CENTA NEMA, KROZ SELO MOREŠ GUO HODITI, NIKO TE NIEĆE VITI, DA PADEŠ, NEMA TE KI DIGNUTI.... A JE LI TAKO?!

NEGO RUŽU NASTRANU, NE DUAJE ONA PLUAĆE KUALJANIMI...

GOVORI SE DA SU VU PRIJAŠNJU GODINU POČELA NEKA PREDAVANJA ZA RIBARI OBRTNICI I VIH MALO JAČIH, A SVIH NAS ZANIMA ČA SE TAMO PREDUAJE ILI SE PRODUAJE.

VJEROJATNO USAVRŠIVAJU DIZANJE POREZOV, PRIREZOV, AMORTIZCIJ I KI ZNUA KIH JOŠ GLUPOSTI DA MORNUARI VIŠE I NE ZNAJU ZUAČ RUADU!

E, ALI KA GAZDA ZAZOVE UNDA TI SE JE NACRTATI NA BRODU I VAJK MORUAŠ BITI U STAND BY-U I MUČATI, A NEDAJ BOŽE DA GA PITAŠ KOLIKA JE DNIEVNICA ILI KA ĆE PLUAĆA TO KO DA SI MU DA OPROSTITE 'ŽENU ŠIBA'.

ZAZOVEŠ GA DA TI DUA 2000 KUN ČA SI U PLUSU, UNDA TI JE 25, 30 POSTO POREZA, E ALI ČA GAZDE ČINU?

POVEDIE TE NA BANKOMAT, DIGNE TI 1500 KUN OD SVOGA, A NAMO NJEMU TVUOJ POREZ JOPE OSTANE! ZUATO SE I VOZU DOBRA AUTA I KUPUJU SE STANOVI, A VAJK SVI PLAČU.

A VAJK SE JE GOVORILO DA SU KUALJSKI RIBARI NAJPOZNATIJI I NUAJJAČI A SA SE BOGAMI ZNUA I PO ČIEMU... LJUDI MOJI OD SVIH BRODOV NA JADRANU, VUOGA ČUDA JE SAMO U KALIMI, TUŽNO, ALI BOGAMI ISTINITO

VIĆEMO KOLIKO ĆE IH VU GODINU DOBITI PLUAĆU OD EUROPSKE UNIJE,NEKI JE OD LUANI ČEKAJU A NISU NI SVJESNI DA JE TO VEĆ PUAR ILJA KILOMETRI UČINILO!

VAKO VAN SE VO ZOVE „KUALJSKI RIBARI NASRID SINJEG MUORA, POSRALI VAS GALEBI OZGUORA“ ILI KUALJSKA MORNUARSKA „TRPI, RADI, PATI“ PA SA VI ODLUČITE!

ETO IZ VUOGA SE DUA I NEŠTO POUČNO IZVUĆI, PA DRUAGA OMLADINO U GRUADU ZADRU SE JE OTVORI DVOGODIŠNJI STUDIJ O RIBARSTVU, PA VODITE RAČUONA, IMAĆETE DI NA PRAKSU I VITI KAKO PARU OKRIENUTI.

ODAVNA SE U KALIMI NEKI NAZIVAJU DOKTORI RIBARSTVA, A MOŽDA ZA KU KOLI GODINU I BUDE PO PAPIRU KI KOLI NIKA SE NE ZNA, NEKA VAN JE SA SRIĆUN

E DA NE ZABORAVIMO SPOMIENUTI KAKO SU BATALAŽA I MUL SADA POD LUČKUN UPRAVUN ZADARSKUN, PA JE SA TO OPUSTOŠILO JER JE SKUPLJI VIEZ

SA SE JE SVE SVELO NA LAMNJANU, PA JE NASTALA GUŽVA, A POJEDINCI LIPO OSTAVU KAIĆI DA VISU PO BANDI DA SE KURČU KAKO SU ONI NA BRODIMI POČINILI SPOJLERI, JE LI?! PA TAKO JEDAN DRUGOMU JEBU SVE PO SPISKU, A NUAJDU SE I NUAJLUĐI PA JEDAN DRUGOME KURCI POKAŽIVAJU...
SVIEGA JE SVIEGAAAA..... A TAKO VAN JE TO

NEGO DA SU BAR I KANALIZACIJU U BATALAŽI I U KOLIEGINIH STAVILI POD LUČKU UPRAVU ZADARSKU, ŠKAPULALO BI STVUAR!

A KA SMO VEĆ KOD FONJE GOVORI SE KAKO SE JE JEDAN IZ DIVLJIE SIKE OBOGATI NA KUALJSKIMI GUOVNIMI, PA SA DOSTA NJIH GOVORI DA ĆE ULOŽITI U KAMION ZA ODVOŽNJU GOVUN SAMO ČA JE SA MALO PREKUASNO, JER BI SE TO BRZO TREBALO NAČINITI.... VALJDA ĆE PUMPE POČIETI POTEZATI AKO SE POMIRIMO SA PRIEČANIMI

UŽIVAŠ KROZ BATALAŽU I KROZ KOLIEGINIH PRUOJTI, PA KA NO JUŽINA ONAJ SMRAD BLJIHNE NUASE

NE TREBA NAN ROTOR NA BATALAŽI ČINITI KA TI SE O SMRADA ZAVRTI

A PO KAFIĆIMI DA SE NE GOVORI KAKO JE LIPO A SVI SU UKRAJ MORA, PA IN LIPO ZAVRAĆA.

NAJSLAĐE KAFE, A GOVORI SE DA SVE NA LEDOMATI SMRAD IZBIJA, A UŽIVAŠ NO ULETU REĆI: NAKILI MI LEDA...... MMMMMM KUA SVJEŽINA.

PA JE TAKO JEDAN TURIST VO LETO ISPUALI DA GLUMIMO TURIZAM U SRCU SEPTIČKE JAME, A BOGAMI NIŠĆE NI FALI, TUAJ ĆE SIGURNO I DOGODINE DUOJTI, A APARTMANOV SVE VIŠE...

E SA VUODE PIŠE DA JE JUAKO BILO U ČETVRTIN I PIETIN MISECU PROŠLE GODINE, DA JE BILO NAPETO... IZBORI, SASTANCI, RUAZNIH INTERVJUOV JE BILO, A BILO JE I SMIHA.....

PA DA VIDIMO

DAKLE, BILO JE KANDIDATOV ZA VRH KO U PRIČI, PA SU TAKO INTERVJUIRALI NAJMLAĐEGA KANDIDATA KI JE ODMA OPLIE, A PO KUOMU DRUGOMU NEGO PO BIVŠEMU NAČELNIKU, DA GLJEDA SAMO SVUOJ INTERES, A NE JAVNI I KAKO JE JOPE SVI UHLJEBI ZAPOSLI IZ KOALICIJSKIH STRANAK I DA NARAVNO, TO TAKO VIŠE NE MORE.

DA SE SVE TREBA MINJATI I OKRIENUTI NA POŠTENI PUT, ALI KAKO SE POLITIKA I POŠTIENJE NIKA NISU TRPILI ISTO TAKO NISU TRPILI NI NJEGA, PA NI BRIŽAN DOBRO PROŠA, ETO, A ČA REĆI!

SLJEDEĆI INTERVJU JE BI SA NAČELNIKUN TITUN.... REKLI BI STUARI: DOK JE BILO TITA, BILO JE I ŠITA

UN JE TOLIKO JUAKO ŽELI MANDAT JOPETA, DA JE ZVUA STUDENTI U ZAGREB I RIKU I OKOLO DA DUOJDU GLASATI DA ĆE IN UN PLUATITI PUTNI TROŠAK

NA ODGOVOR MLADOM KANDIDATU UN SE JE ODMA POČE PRUAVDATI KAKO JE SVE BILO PO ZAKONU KOD ZAPOSLENIH, KAKO SU DUZI OSTALI OD PRIJAŠNJIH VRHOVNIKOV I TUOTE SE JE OSIĆALA MUALA NAPETOST I PANIKA, DA JE UN ODMA UZVRUATI KONTRA NAPADIMI I UVREDAMI, ALI NE PO MLUADOMU KANDIDATU, NEGO PO ČOVIKU KI JE SA NJIN BI NA LISTI I KI JE BI KANDIDAT ZA VRH JOŠ PRIJE, A KAKO BI TO BILO DA JOŠ NISU I ROĐACI...

TUOTE JE TO ZAKUHALO JER JE ROĐAK PISUA POLITIČKI MAGAZIN KLJICU U KUOME JE IZNOSI KAKO JE I SUN POSLI REKA ČINJENICE! A NAČELNIK JE TO LIPO PROZVA KLJICA ZLA ILITI MAGAZIN ZLOBE, LUAŽI I ANTAGONIZMA. NALJUTI SE JE JER GA ROĐENI NI BAŠ PODRŽUAVUA.... E KI ĆE KUOGA, KO NIEĆE SVUOJ SVUOGA

E SA JE DOŠA NARED INTERVJU SA ROĐAKUN

PA JE UN OPLIE PO NAČELNIKU (ROĐAKU)....CITAT... ISKLJUČIVO ČINJENICAMA I SNAGOM ARGUMENATA, BEZ IMALO PATETIKE

JUAK JE, MORUA SE PRIZNATI

DUA MU JE OBEĆUANJE DA ĆE U BUDUĆE TO JEST PO NOVIN MANDATU UMISTO KLJICE IZDUAVATI MLADICU...E SA NEZNAMO JELI IZAŠLA PRVA MLADICA... JE LI KI ČITA MLADICU?

OČITO JOŠ NI IZAŠLA

I TAKO JE ROĐAK OBRUSI DA NEMA OBJAŠNJENJA ZA NIŠTA I NAVE MU SVE STAVKE ČA SU BILE I NAZVA TO BESKRUPULOZNO MANIPULIRANJE MASAMI.... ZANIMLJIVO, OVO ĆEMO ZAPANTITI

I JOŠ NA KRAJU MU JE LIPO REKA, A TO NEKA VAN SVIMI BUDE JASNO

CITIRAM “ROĐAKOM SE POSTAJE ROĐENJEM, A PRIJATELJ POŠTENJEM“ ETO PUČE KUALJSKI, SA STE VIDILI

E DOK SU SE VI DVUA BADALI I PREPUCIVALI, OVAJ NUAŠ NOVI, ČA GA NIKO NI POZNIVUA DO PREČIER, JE POMALO, ALI SIGURNO DOBI MANDAT.....

NI ZA NIŠTA ONA... KI MUČI, DVUA UČI

MOLUAJ NAN JOŠ JEDAN PUT ONU NJEGOVU......

JUAKA JE I ĆA....

ETO NOVOGA NAČELNIKA SMO DOBILI, ŠTO JE TU JE, VIĆEMO

GOVORILI SU NA PRVU DA JE PRUAVI VIZIONUAR, JERBO JE PRIJE IZBOROV REKA DA NIEĆE VIŠE GOVORITI:
AKO BUDIN NAČELNIK, NEGO JUA SAN NAČELNIK...

JUAKO ZANIMLJIVA STAVKA, ALI VIZIJA OVO BOJSE NAVIRE IZ OVIE VELIKE ŠKUOLJKE
UNDA JE JOŠ STAVI BRUOJ MOBITELA NA INTERNET, AKO KUOMU ČUA TREBA DA SE JUAVI

PA LJUDI MOJI, KO NEMATE SKIN KAFU POPITI, ZAZOVITE ČOVIKA, DRUŽITE SE!

ODMA MU RECITE DI JE FALI I ČA MU JE ČINITI, DA NE GOVORITE SAMO MEĐUSOBNO!

ČA SE JOŠ POLITIKE TIČE, ONUAJ ČA SMO MU LUANI SUDILI JE IZJUAVI DA JE DOBI JOŠ 2 GODINE ŽIVOTA, JER JE JOPE KOALIRUA, NI MU BAŠ POŠLO U RUKU, ALI DOBRO JE TO ISKORISTI DOK JE MOGA, JER SE ČULO DA JE PO GRUADU NAČINI PUAR STANOV SA KAMIONIMI I BAGERIMI OD HRIPE I DA JE HRIPA SNOSILA TROŠKOVI PRIJEVOZA....

ETO, ISKORISTI JE DOBRO OTKAZNI ROK I DOBI DOBRU OTPREMNINU

EEEEE KI JE SRIĆE, NI U ZAHODU NI GLUADAN... BAŠ KAKO SE VIDI IZ PRILOŽENOGA OVO!

E A PRIČALO SE JE DA SE JE PRITILO I OTKAZIMI NEKIMI LJUDIMI KI SU U RODU SA KONTRA STRANKUN KUA NI PODRŽUAVALA NEKE STAVKE..... TO BAŠ NI LIPO ALI TO VAN JE POLITIKA LJUDI MOJI

AJMO DALJE VITI ČA JE JOŠ JUAKOGA BILO VU GODINU U SELU

AHA...U ZUADNJE VRIME SU JOPE POČELE NEKE PROVALE PO DUĆANIMI I RESTORANIMI

OKRIENITE SE MALO KOLO SEBE MOŽDA POZNUATE ONIH DVUA ČA SU PESCATORE OPLJAČKALI

STE VIDILI NA SNIMKAMI KO SU SE LIPO ZAMASKIRALI.... DA SA PRIZNAJU ODMA BI IN NAGRADU DUALI PA DA VIŠE NE LOPUŽAJU..... E A BESPARICA JE JEBENA STVUAR

ŠUOLDI VAJK ŠUOLDI I SAMO ŠUOLDI , POSLA SVUDER SADA, A NIKO NIEĆE DA RUADI

TAKO SU SE LJUDI MOJI KAD JE NO POPLAVA BILA NEKI PRIJAVLJIVALI DA IN OPĆINA SANIRA ŠTETU KUA IN JE BILA NAPRAVLJENA I PRIJE POPLAVE..... E A TREBA SE I TUOGA SITITI

U DVD-U MIED I MLIKO PLUAĆA 4000 KUN, LAGANO RASTIEGNEŠ MANIGU I POMALO ISPRI DUĆANA NA PIVU, AKO ĆEŠ DA TI GUSTIERNU NAPUNU, UNDA PARIĆUAŠ KAFETIN ILI PLIVADON I 2,3 PIVE I KAMION DOLAZI... ODLIČAN POSUA OMLADINO, VODITE RAČUONA...

E, SA SU POČELE KAMERE PO KAFIĆIMI, NE MOREŠ SE NI POPIŠATI, NI POSRATI, A DA TE KI NE VIDI.
DI TO VODI NEKA VRAG ZNUA I ZUAČ SU TO POMEĆALI KAKO DA SMO U BIG BROTHERU...

SVE GRIE KVRAGU LJUDI MOJI NIJANKA VIŠE KUALJSKOGA KRUHA NI ZA VIKEND.

JEDINO NA JE DOBRO KA SU NAN VAKO KRNEVUALI, BOŽIĆI I NOVE GODINE I FIEŠTE U LETU, PA KA NE MISLIŠ NA NIŠTA JER SI U BLJUZGI ....

E, A KAD SMO VEĆ KOD FIEŠTI NI NI TO LUANI BILO BUOG ZNUA ČA, BILO JE I OTO UHLJEBOV I ZUADIVOV.... VAJK IH SE NUAJDE I ĆA

BIVŠI NAČELNIK JE OPRA RUKE OD RIBARSKIH KAKO JE POPUŠI IZBORI, PA JE JOPE OMLADINA ŠKAPULIVALA STVUAR.

JEDAN VLASNIK BARA JE POPUŠI ŠANK ZA RIBARSKE, PA JE PRITI DA ĆE INSPEKCIJU POSLATI, A KA SE NA NJEGOVIMI POKERIMI KLAMPANUA PO CIELI DAN, UNDA NEMA INSPEKCIJE.

A PRIČA SE DA JE BRZO PITUA, DA KA SE KAPARA VRAĆA, ČA JE DUA ZA ŠANK..... A ČA ĆEŠ GOVORITI IMA TAKOVIH KOLIKO OĆEŠ
NEGO....

POČELE SU NEKE VEČERI POEZIJE U KALIMI VO LETO, PA DA SE VAJK SVIH NE OGOVUARA I NE PLJUCA ODLUČILO SE I NA TUAJ NUAČIN OPISATI SVE I SVAŠTA I DA SE ISKUAŽE TALENAT PA POSLUŠAJTE HAIKU

FIEŠTA PLIVARICA.....
VISOKE CIJENE
LOŠA ZABAVA
ĆARADURA
PRIVATIZACIJA

RIBARSKE NOĆI......
KLAPA PIVA
TEĆA BUBA
GRANDELE ČIČU
PUNI MISEC, NEMA RIBE

PLIVARICA.....
RIBE NIDER
KUŽIDURA
VELA BUŽA
PREARMIVAJ

RIBARSKE NOĆI....
MLADOST VESLUA
BRODI VOZU
PIJANI MORNUARI
NIDER NIKOGA

HAIKU ZA NOGA ČA JE POPUŠI ŠANK....
ŠKRTAV NAJAM
LAKA LOVA
JEFTIN PIVUAČ
MUHTAROŠ

***

ETO PUČE KUALJSKI, SVAŠTA SE ČULO, O SVIEMU SMO VAN ISPRIČALI, SVIH MALO JAČIH SE TAKNULO, SA ĆE SE JOŠ ISPRIČATI PUAR ZANIMLJIVIH STVUARI KIE SU JOŠ BILE, ALI VAKO OD MANJE AKTUALNIH LJUDI U SELU

MALO KAD SU KUALJANI BILI POZNATI PO TUČAMI I SVAĐAMI, A POGOTOVO MEĐUSOBNO

A BAŠ JE 2017. GODINA OBILJEŽILA NEKI OD TAKOVIH DOGUAĐANJOV, PA DA VIDIMO ČA SMO NAVELI

JEDAN NUAŠ NAGRAĐIVANI SUMJEŠTANIN SE JE LUANI ZAKAČI SA STARIJIN SUSJEDUN, JER JE LOVI TOBOŽE NA NJEGOVIN PORTIĆU, A PORTIĆ UOPĆE NI NJEGUOV, ČA SVAŠTA ČOVIK SEBI U GLAVU STAVI, ALI NEMA VEZE...

TUOTE GA JE TAJ STUARI NATAMBURUA I NJEGA I AUTO I JADAN ZAVRŠI U PRITVORU! GOVORU DA SU GA PUŠTILI UZ DOBRO VLADANJE

UNDA DVUA,TRI MISECA POSLI, JOPE ISTI OVUAJ ČA JE DOBI NAGRADU ZA NEKI NUAJBOLJI PROIZVOD, NE ZNAMO NI MI, JOPE NEKI FIGHT SA DRUGIN KUALJANINUN, PA JE I OTO SKORO PRIMI, PA SE SA GOVORI DA BI TUAJ MOGA DOBITI I NAGRADU OD UFC I MMA ZA NUAJHRABRIJEGA KUALJANINA...

A KI ZNUA, MOŽDA BI ZBOG TOLIKO TUČI LUANI, BILO DOBRO VO LETO ORGANIZIRATI TURNIR U BOKSU, A OVO NA DOM ĆEMO STAVITI RING, PA KI JAČI TUAJ TLAČI… MOŽDA JE ZA SVE OVE TUČE KRIV STIPE MIOČIĆ PA SU NAŠI SUMJEŠTANI DOBILI INSPIRACIJU

- BOLJE DOMA STUATI

E SADA JE ONUAJ PRVI PROTIVNIK IZAŠA IZ PRITVORA, A UN JE NEKAD BI U MAŠKARAMI U ORGANIZACIJI I SA JE ZVUA MLADOST ZA NEKU PILU DA SE KUPI, ČA MU SE RAZBILI, A TO JE U STVUARI PILA OD ODBORA.... SRIĆA ČA SA MORUA BITI DOBRUOGA VLADANJA, DA JOŠ NE BI I MLADOST IZMATRAKUA

E UNDA VAN JE LJUDI MOJI, PRVI SUSJED ORGANIZACIJE OVO IZ DOMA, PRITI ZA STREETBALL, DA ĆE DUOJTI SA SHOT GUNUN SVIH POTIRATI I DA ĆE STRILJATI JAVNU RASVJETU, JER SE DOKASNA IGRA

ČAK JE OMLADINU I VRIĐUA I GOVORI DA ČA ORGANIZIRAJU STREETBALL KAD NEMAJU PUOJMA IGRATI, A UN JE PRIJE IGRUA, PA NIKA NI NIŠTA OSVOJI...

PA NAJBOLJE DA MU OMLADINA VU GODINU ZBOG PRIMIRJA POŠALJE POZIVNICU NA KUĆU DA DUOJDE NA JUBILARNI 20-TI TURNIR ZAIGRATI

E, A NEPRIJATELJA NAJVIŠE BOLI KA MU POKUAŽEŠ DA JE TEBI JOŠ STALO DO NJEGA

PA SU SE NEKI SKORO KAČILI RADI NEKIH PREKRIENJENIH PARKIRNIH MESTOV, TO JE NEKO NEKOGA POTPLUATI, A TUAJ JE DOBRO PROŠA ČA NI BI TUČIN...

AJMO DALJE, ČA JE NO JOŠ BILO?!

AAA, JEDNA ŽENA DA JE PASA ŠIETALA KROZ TUJI DVUOR, PA JE SKORO DOBILA PO SEBI....ISTO NEKA TIEŠKA PALJBA DA JE BILA, A NA KRAJU SE JE ISPOSTAVILO DA JE HODILA NORMALNIN PUTU, A NE KROZ DVUOR..... ALI BITNO DA SU ZAVRŠILI NA SUDU I NA SVIMI DRUŠTVENIMI MREŽAMI, A SVE ZA NIŠTA.... ALI TAKOV SMO MI NUARUOD, SVE PRISVOJIMO I SVAŠTA IZMISLIMO I SA SVOJIN SE KOLJEMO

DRAGI NAŠI STUARO, MLUADO KO MISLITE DI PUOJTI DOBRO VIDITE DI JE ČIGOVO I KUDER ĆETE PRUOJTI, A POGOTOVO NA KOLIKO KONOPA PASA ŠIEĆETE I POD OBAVEZNO NOSITE KESE ZA PASU GUOVNA POKUPITI, JER VIŠ ČA SE DOGUAĐA! SHIT HAPPENS

A I DOBRO JE DOK NE PUOČMEMO I MI KESE NOSITI ZUASE, ZA SRATI....

ETO VALJA BI BILO DOSTA ZA VU GODINU, AKO SE NEKOGA ZABORAVILO NEKA SE NE LJUTI, DUOJĆE DOGODINE NA TAPET, AKO SVI BUDU ŽIVI I ZDRAVI

VRNIMO SE MI NA NAŠE MAŠKARE, BUOG IH POMILOVA SVAŠTA MOREŠ REĆI I ČINITI, A NIKO SE NE LJUTI.....

SRIĆA ČA SU VU GODINU JOŠ RANIJE NEGO LUANI, JER JE OMLADINA LUANI DAN PRIJE VALENTINOVA POPUŠILA, JER JE BIVŠI NAČELNIK LIPO U CVJEĆARI UZE OBILATO CRVENIH GARUOFULOV, JE LI CRVENIH JER JE I VLUAST BILA CRVENA, ALI KI JE TO PLUATI NEGO MAŠKARE I TUOTE SE JE OGREBA JER JE ODBORU ŠAPNU DA NEMA ŠUOLDOV, A ČA ĆEŠ OD NJEGA

TITO VOLI CRVENO, OMLADINA VOLI ZELENO, PA HITIMO MI NA PRESUDU DOK NI KALAPIĆ SA PLAVIMI ORHIDEJAMI DOŠA...

ZAJBANCIJU NASTRANU...

AMO ĆA VITI ČA ĆEMO VUOMU NAŠEMU KALAFONJI PREPISATI ZA VU GODINU, PA DA GA MOREMO NAŽGATI

IZGLJEDA DA JE VEĆ NA PRVU DO GRLA ZAGLIBI…

OKRIVIT ĆEMO I GA ZA JASLICE, ZA BRGAČIELJ, ZA SLABIJI ADVENT, ČA NI OLIGUN, ZA PREVELIKI BROJ PREHLUAĐENIH, JER LJUDIMI SE VIŠE ISPLUATI BITI PREHLUAĐIN, NEGO SE DUAVITI U SMRADU

NAAAAAŽGIIII GA, NAAAAAAAAAAAAŽGIIIIIIII!!!