Članci arhiva

PUČE KUALJSKI DOBAR DAN, U ZDRAVLJE VAŠE - U GRLO NAŠE.

DA SE ŠUOLDI DILU, NE BI NAS SE VOLIKO SKUPILO, ALI MAŠKARE ČA MORU MAŠKARE, UVIK SU NUAJDRAŽE BILE, KI VO MORE PLUATITI, 3 DANA BANČENJA

A OVIH 15 DAN PRIJE DA I NE SPOMINJEMO DOK SMO KRNEVUALA ČINILI...

SVAŠTA SMO SE NAGLJEDALI I SVIEGA SE NASLUŠALI I MOREMO OTVORENO REĆI DA SMO SVE MUNJENIJI S GODINAMI, A TO JE U KALIMI VAJK PONOS I DIKA

E NEGO DA SE ZNUA DA SE NI ČINI SAMO KRNEVUA NEGO IMAMO MI JOŠ NOVITETOV OVO.... PUNO STVARI JE OD LUANI NESTALO, A NIKO NEZNA DI I KUOME BI TO UOPĆE SLUŽILO, ALI JE*** GA, ŠTO JE TU JE...

KO ČA I SUAMI VUODE IMATE ZA VITI NAČINI SE JE NOVI KARIĆ ZA KRNEVUALA. ONUAJ STUARI VIŠE NI ZADOVOLJUAVUA KRITERIJI EUROPSKE UNIJE, PA SU GA SMAKNULI, A STRUAH JE NEKOGA PRIZNATI DI I ZUAČ...

A I NAZAD PUAR GODIN SU KRNEVUALA NA PLEĆIMI NOSILI PA SU VALJDA MISLILI DA SMO TOLIKO BLESAVI PA DA ĆEMO JOPE TAKO, SVE NA GRBAČU.

DOBRO DOBRO, A ČA ĆEMO VAJK NUASE HODITI.... A IMA NAS SVAKAKOVIH

DO NEDAVNO SU NEKI STRUJU PREKO HACA IMALI, E A ČA ĆEŠ.

UNDA JE NESTALA PLOČA ZA PEĆI MESURIENJE I RIBU, NESTALA JE DUGOGODIŠNJA ZASTAVA MAŠKAR STARIJA OD PUNO NJIH OVO, KO DA IN JE U PIJATU STUALA PA SU TO ĆA ŠKARTALI, ŽALOSNO ALI ISTINITO....

I TAKO VAN JE TO LJUDI MOJI VAJK SE NEŠTO KRADE I VAJK NEŠTO NOGE DOBIJE, A ZA TO TREBA NEKO I ODGOVUARATI...

MOŽDA NUAJBOLJE OKRIVITI ZA SVE ONI LUPEŽI ČA SU SONIKA OPLJAČKALI

I OKRIVILO BI SE NJIH, ALI OVO SE ZNUA KI JE IMUA PRISTUP RADIONI

I KI JE GLUAVNI I ODGOVORNI....

A TO VAN JE LJUDI MOJI OVAJ VATROGASAC OVO, GLJEDAJ GA.... DA JE LUANI DRŽA KOPUNJIERU SA NOVINAMI, A SA DA ČINI PRENAMJENU U PEČENJARU, PA NEKA MU JE SA SRIĆUN I DUOJĆEMO KUŠATI.

NEKA UN NAMI JOŠ MALO UŽIVA, PA ĆEMO GA POSLI OSUDITI

A SA ĆEMO MI NA ONU SVIMI DRUAGU TEMU ČA JE NOVOGA U OPĆINI
KAKUOV JE KALA? JE LI KI NATJEČAJ IZAŠA? JE LI KI PRIJEDOG PUA IZMJENE I DOPUNE? ČA U VIJEĆU DOGUAĐA? JE LI SE KI S KIN ZAKAČI? DI GUOVNA IZBIJAJU I TAKO...

E KAKO STE I SUAMI VIDILI POČELA JE NAPOKON IZGRADNJA ŠETNICE DOLI TRATICA ARTINA, ALI NEMUOJTE SLUČAJNO PUOJTI ŠIETATI JER SU UREDNO SVE IZDUBLI, A NIDER ZNUAKA UPOZORIENJA ....

CESTA JE ČAS OTVORENA ČAS ZATVORENA... MALO JE NEKA DUASKA KO MIHA..... MALO JE KOD SKEJA ...... A TO VAN SE U KALIMI ZOVE: IZMJENE I DOPUNE ILI PRELIVANJE IZ ŠUPLJEGA U PRUAZNO.

A JESTE ČULI ZA NESVRSTANE CESTE, TO SU VA KUALJSKE CESTE BEZ IMENA U KIH NI HRIPA NEZNA DUOJTI NI LETRIKU PREMINITI ....A LJUDI SE ČUDU NOVOMU POŠTARU ČA POŠTA KASNI, A UN JE JADAN MISLI DA SU KUALE KO NEW YORK... KA JE ČU KOLIKO ULIC IMA... JADAN ČOVIK...

A JOŠ DA IMA I BEZIMENIH....

PA DUAJE SE PRIJEDLOG DA SE OVE DI NIMA LETRIK NAZOVU AVENIJA U ŠKURU, A VE DRUGE GOVNJARSKI BULEVARI.

VAKO I NAKO JOPE SVUDER KANALIZACIJA IZBIJA...

E GOVORILO SE JE DA ĆE NA JESEN KONAČNO POČIETI DUGO NAJAVLJIVANA IZGRADNJA RIBARSKE LUKE VELA LAMJANA, A OVO JE DEBELO I ZIMA PROŠLA, A NEMA NI RIBE NI RIBARSKE LUKE, NUOHTI POPADALI OD MRZLINIE PA NIKOGA NI VOLJA RUADITI NEGO ĆE KA SEZUONA PUOČME...

MA BITI ĆE VALJA SAMO JOŠ SIGURO MORUA JOŠ JEDAN NATJEČAJ BITI DA TO NEKOGA ROĐAKA DOPADE DA ZIĐE, ZNUATE KAKO TO OVO GIBA.

E UNDA JOŠ REČU DA ĆE SE RIBARSKE LUKE MODERNIZIRATI, A U KALIMI JEDVA NUAJDEŠ ČOVIKA DA VODIE ULIJEŠ U BROD, A KAMOLI DA TE NA STRUJU SPOJI. BOJSE ĆE I OTO MORATI VUOGA VATROGASCA ZAPOSLITI UN JE SVESTRAN I VRIDAN

ZAJBANCIJU NA STRANU GOVORILO SE JE KAKO BI MUALA LAMNJANA U BLISKOJ BUDUĆNOSTI MOGLA BITI MUALI MAJAMI... DA ĆE BITI LIPA PLAŽA OD POČIETKA VALE DO VUNE, DA ĆE PERIVOJ ŠIJUANJE POSTATI NOVA ZELENA PUNTA: RESTORANI, KAFIĆI, SUVENIRI, TOBOGANI MA SVE ŽIVO.
E ALI UNDA JE DOŠLO DO NAGLE PROMJENE JER SU NEKI VJEĆNICI PREDLOŽILI DA BI TO BILO BOLJE PRODATI I ŠUOLDI ULOŽITI U NEŠTO PAMETNIJE....

SA VI RECITE KI JE U VIN SELU VIŠE PAMETAN

NAJBOLJE DA SE NAČINI PRENAMJENA POLJOPRIVREDNIH TERENOV U GRAĐEVINSKA I LIPO SVAK SVOJE PRODUA I SVI HOMO ĆA IZ KALI, SVI BOGATI I SRETNI, A JE LI TAKO? OD MUKE MI DUOJDE DA ROVATI PUOČMIN

SVI HOMO PU IRSKE, TAMO DA SE SAMO SAMO LOČE I KURI I DA SE NE RUADI NIŠTA I NIKO DA RAČUONI NE PLUAĆA...

A NE KO I NAMI KOMUNALNA NAKNADA POSKUPILA ZA 20 POSTO.

A JE LI ZNUATE ZUAČ? ZUATO ČA JE NAČELNIKOV NEKAD KOALICIJSKI PARTNER ZAHITI HRIPU U MINUS I SA MI MORUAMO ISPAŠTATI.....

KEEP DOWN ZLATO,KEEP DOOOWN

PROBLEMOV KO MUORA
A STE ČULI DA ĆE NA BATALAŽI UMISTO ROTORA SAMO MURVU NA KLIZAVICU PREMESTITI, DA JE TO JEFTINIJE.

UNDA DA JE OPĆINA JOŠ I POKUOJNIMI DUŽNA I TO JOŠ OD KAD SE JE KOBASIČARSKA CESTA NAČINILA KOKOTINA... UZELO SE JE LJUDIMI KOMAD ZEMLJIE KI SE NI ISPLUATI, A LJUDI SU JADNI UMRLI I POŠLI NA ONUAJ SVIT, A „ZA ŠOLDI NE PITOJ“ ...REKLA BI PRIEŠKA

A SPOMINJU SE POTPORE ZA MLUADI I DA ĆE BITI BOLJE A I BILJKE SU POKREPALE OD MUKE....

VIŠE NI PUALME NE NJIŠU GRUANE, SVUDER NAMETNICI

MA DA SU BAR DICA VESELA U VIN SELU, NEGO SU JOS UVELI NEKI DRAMSKI PROGRAM ZA DICU VALJDA IH ODMA ŽELU PRIPRIEMITI ČA IH ČEKA, A NI NI TO TAKO LOŠE, KUALJSKI DRAMSKI PROGRAM

E UNDA VIŠE NI NI ADVENT BOGUAT KO KAD JE TITO BI, A KALA DA JE SVE MUHTO DUA, A OPORBA JE BRUDET PO 30 KN PRODUAVALA, MORUA SE KI KOLI NAPLUATITI TO JE ČUDO

I UNDA GOVORU DA JE TITO BI SLUAB, EEEE A TAKOVI SMO MI NUARUOD

I SA DA ĆE SE DOGODINE ZA ADVENT SDP I HDZ OBUĆI U ŽIVE JASLICE I DA ĆE DONITI JANČIĆOV I DA ĆE SE SVAKI DAN JEDAN VRTITI
A ČA SVAŠTA NIEŠ ČUTI

NAJBOLJE DA PLIVARIČARI DUADU 10 POSTO LOVOSTAJA U OPĆINU MAKUAR DA FASUADU STAVU, SVUDER DA HLJIDI GORI.

ETO, TO VAN JE LJUDI MOJI TO OD OZGUORA A I SVI SMO MI VIŠE MANJE ISTI

DI GOD SE OKRIENEŠ SVI SE ZA TUAŠKU DRŽU, A KAKO I NIEĆE KAD TI DANUAS ISPRID OČIJU PONESU 300 HILJA KUN

SVI SAMO LOVUASAJU I ĆA

NEKI DAN JE ČOVIK POŠA PLJAČKU SPRIEČITI PA SU GA SKORO UBILI, VIŠ NUAČ SMO SPALI

UN JE DOBI NI KRIV NI DUŽAN ...ALI IMA I ONIH ČA OKOLO TUJE ŽENE ZA CICE POTEŽU... PA UNDA JOPE DOBIJU BUBAC NA UDARAC...

NIKO NIEĆE DA SE U OVI NAŠI NADUARENI TALENTIRANI KUALJANI UVRGNE

A VIŠ DA IMAMO PROFESORA MUZIČARA I SKIJUAŠA PA IMAMO ZUBUARA PIVUAČA, OVAJ KRNEVUA JE VATROGASAC ELEKTRIČAR, ALI UN DA JE MAZNU PLOČU ZA PLJESKAVICE ETO TI GA VRAŽE NA.

KAKO GOD OKRIENEŠ VAJK SMO NA LOŠIN GLUASU


A TAKO SU NAN VO LETO PRISELE I RIBARSKE NOĆI, TREBALA JE TO BITI 50-O GODIŠNJICA ZA PAMĆENJE, A UPRAVO JE I BILA.

UŽALO SE JE NEKAD CIJELO SELO OKITITI U RIBARSKE MRIŽE, BRODI SU NOSILI RIBE ZA JISTI, SVUDER JE BILO DOMUAĆEGA ŠPIRITA OD VINČINE DO RAKIJE I SVAKI BI ČAKOLI DUA...

E ALI DANUAS VIŠE NIKO NIŠTA NE DUAJE NEGO JOŠ I PITAJU, DUOJDU SE NAGRABITI I OBOGATITI U 2 DANA.

PA SU TAKO NA SASTANKU VIJEĆA NAČELNIKA PITALI DA ČA SE SPRIEMA POVODUN 50 GODIN RIBARSKIH NOĆI, A UN GOVORI DA JE SVE SPREMNO

MAJCE, PLAKUATI, RIBARSKI SKUP I DA JOŠ TREBA ORGANIZIRATI ŠANKOVI, GLAZBU, BRUDETI, POTEZANJE KONOPOV, KAŠETE, VESLUANJE KAIĆOV ITD,

UGLAVNOM SRIEDILI SU ONO ČA DRUGI ČINU UMISTO NJIH, A TO SU MAJCE I PLAKUATI, A VO DRUGO ČA SE TREBALA POBRINUTI OPĆINA I TURISTIČKA ZAJEDNICA TO JE SVE PROPALO.

VESLALA SU 3 IPO KAIĆA, JER JE** GA, NIKO NI VIDI DA NA MULU NI NA BATALAŽI NEMA RIBARSKOGA BRODA KI BI UOPĆE MOGA DATI KAIĆ, OVA U TURISTIČKIN NIKA NEMA VRIMENA ZA NIŠTA, A I DA IMA MALO BI JOJ BILO.

POTEZA SE JE NEVIDLJIV KONUOP, KAŠETE DA JE SUNCE IZGORILO....

A BRUDETI SU SE SKORO OD KAMINJOV KUHALI JER RIBE NI BILO NI ZA LIK.

A DOBRO SE NIKI I OPARI ....JEDAN BRUDET JE I UZRAK POLETI JER IN NISU OSIGURALI PODLOGU, SVUDER JE ŠUGA BILO.

I TAKO SU LJUDI MOJI JEDINO PRIVATNICI SLOŽILI ŠANKOVI I NAPRDILI CIJENE ZA PIĆIE I ZA GNJILU TUNJEVINU KIE NI BILO VITI NA PIJATU, BEZ KRUHA I BEZ ULJA. I SVIMI JE PRISELO. TAKO DA LJUDI MOJ PRIJUAVITE SE U UDRUGU RIBARSKE NOĆI I SUDJELUJTE ...A NE SAMO BELENGIJUATE U PRAZNO.

TO VAN JE BILA PEDESETOGODIŠNJICA

PA EVO JEDAN SAVJET ZA VIH ČA SE ŽELU OBOGATITI U 2 MISECA

LIPO SE U LUCI GAŽENICA NAMO KOD KRUZEROV DUAJU U NAJAM POSLOVNI PROSTORI PA LIPO OTVARAJTE BAROVI I PROMINITE VALUTU, ČA JE U KALIMI PIVA 16 KN, GORI ĆE BITI 16 EURI, ALI RASTIRALI BI ONI I KRUZERI, A NE RIBARSKE.

PUČE KUALJSKI U KALIMI NIKAD NA ZELENU GRUANU, SVE BIŽI PREKO BARE, PREKO VODE DO SLOBODE, A NI NI ČUDO...

AMBULANTE SE ZATVARAJU, POŠTA NAN SE SKORO ZATVORILA

IZ POŠTE PRIJE NA VRUATA ČITABA O DUZIMI I DA ĆE FINA SIJESTI NA RAČUN .....A RAČUN KI JE TREBA DUOJTI PRIJE ČITABE NI U BOGU NI U STVORU NAJBOLJE NEKA JE I ZATVORU.

A NEKI SU JADNI I SUAMI MORALI HODITI KOPATI PO POŠTI NE BILI NAŠLI SVOJI PAKETI, ALI PAKETIMI NI TRUAGA NI GLUASA.

BOLJE BI GOLUB RAZNOSI POŠTU NEGO POŠTAR, A I IMALI SMO U SELU JEDNOGA MEDIJSKI POZNATOGA GOLUBA, A I UN JE JADAN PRDNU VU GODINU.

SAMO NAZADUJEMO, NEMA POMAKA

OMLADINA SE MALO TRSI DA ŠKAPULAJU KU KOLI FIJEŠTU U KALI

ALI UNDA JOPE SPONZORI PLAČU I KUKAJU I SLABO DUAJU.

DVI NUAJJAČE FIRME U SELU ZA SPONZORSTVO DUAJU PALETE, KO DA ĆEMO SE PALIJET NAJISTI, E A BITNO DA SE JE „BARUTO“ TUNJEVINE NATUKA KA JE BI U KALIMI.

MA NEKA DUADU PALIJET DA IMAMO ZA NALOŽITI ..ALI DI SU PODLANICE I BRANCINI?

DI JE TUNJEVINA?

BIĆE ČULI DA VIŠE NEMA PLOČE ZA PEĆI I NIEĆE NIKO DA DUAJE, PROMAĆURNI SU SVI
MORAĆEMO PUOJTI UGRAD KOD ONOGA NAŠEGA DOBROTVORA ČA RIBU MUHTO DILI I TO PO GRUADU LJUDI MOJI, A NE PO SELU, SVAKA MU ČUAST.

A STE VIDILI VO LETO FISH FESTIVAL U SRCU ŠKURA, NIKO NI NEZNA ČA JE TAMO BILO, ONI BIĆE OLIGUN IZ PATAGONIJE PUNILI SA TRIPICAMI I PRODUAVALI ZA DROBCI OD TUNOV

ETO LJUDI TAKO ĆEMO MI NAPRID, SVI UVIK PLAČU I KUKAJU DA SU U GUOVNIMI DA JE DRZAVA U DIMU, OPĆINA ŽUPANIJA, A BOGAMI NEKI SU LUANI DOSLOVNO BILI U GUOVNIMA.

VAJK JE U KALIMI BILO DOBROSUSJEDSKIH ODNOSOV, PA SU TAKO JEDNUOJ NAŠOJ KUALJKI PRESIKLI KANALIZACIJU, ZACIMENTALI ŠAHT PA SU POSLI IMALI ČUA I ZA VITI.

KAKO BI SE ONA OLAKŠALA DOLI SE JE STVORILA KAKO JE I SUAMA REKLA TEMPIRANA BOMBA. KUA JE IZBILA ŠAHT DVUA METRA U ZRAK I NASTALA JE LAVINA GOVUN. NEKO JE MORUA PRATI GUOVNA, A OPĆINA JE JOPE SAMO OPRALA RUKE.

ALI ŠUŠKA SE ŠUŠKA DA SE ČEKA DOZVOLA DA SE NAPOKON SVI SPOIMO NA ZAJEDNIČKU GOVNJARU. DA BI KALI TREBAO BITI U DRUGOJ FAZI AGLOMERACIJE, PA GOSPOĐO SUSJEDA IZDRŽITE JOŠ MALO I PLUAĆAJTE KOMUNALIJE.

MOŽDA STE ČULI DA SU OVO ZUADNJIH MISEC DVUA DAN KRUŽILI ŠALJIVI POZIVI PO SELU, A MOŽDA VAS IMA TRENUTNO I VUODE KI STE TO NA VLASTITOJ KOŽI OSITILI. PA DA VAN OBJUASNIN KAKO SU TO MENI OBJUASNILI MLAĐI ČA SVAKI K*** ZNUADU O TOJ TEHNICI.


OTVORI SE NEKA APLIKACIJA I UNDA IMAŠ BIRATI ČA ĆEŠ POSLATI.

OĆEŠ POSLATI DA JE PROBLEM SA STRUJUN, DA MU PUAS LAJE, DA SE KURI TRUAVA, DA TE ZOVU NA KOLONOSKOPIJU, DA TI SE PUAS POSRA KO SUSJEDA, DA TI CURI VODA U STANU, DA SI U DUGU DO GRLA, DA SI BRZO VOZI, DA SI OGREBA AUTO I KI ZNUA ČA SVE JOŠ IMA.

KA IZABEREŠ ČA ĆEŠ POSLATI, LIPO ISTIPKAŠ KUOMU ĆEŠ POSLATI I UNDA ČEKAŠ DA SE ČOVIK JUAVI TO SVE SNIMI I POŠALJU TI NUASE U TU APLIKACIJU DA TI MOREŠ ČUTI ČA JE TUOTE DOGODILO.

KAKO SU MI PRAVILI DOBRO NJIH JE NASELO NEKI SU SE ČAK I SVAĐALI SA AUTOMATUN DO SUAMOGA KRAJA, A DA AUTOMAT NI PREKINU NEKI BI I DO VIH MAŠKAR BILI GOVORIL I SVAĐALI SE NIS TO JUA, NIS TO JUA.

A SA ĆEMO ZA VUAS KI STE VUODE A NISTE IMALI PRILIKU TO ČUTI NEKA VA PUŠTU JEDAN PRIMJER DA ČUJETE KAKO JE TO IZGLJEDALO.

PUČE KUALJSKI TO VAN JE U KRATKO TO. A I BOLJE MOŽDA DA PUNO TOGA NE SPOMINJEMO DA SE MANJE ŽIVCIRAMO

ČA MANJE ZNUAŠ TO BOLJE.

JEDINA POZITIVNA STUVAR VU GODINU JE UBER KI JE REKA DA KO SE SKUPI PUAR LJUDI DA VOZI I DO AMSTERDAMA PA DA ĆE SPOJITI UGODNO S KORISNIM. I DUAJE 20 POSTO POPUSTA MORETE PODILITI TROŠAK.... ETO PA KI VOLI PUTOVATI NEKA GA ZOVE.. I LJUDI MOJI UNJEGA SE UGLJEDAJTE...

A DA NE ZABORAVIMO REĆI DA JE I UN SKORO NAJEBA, NI KRIV NI DUŽAN, JER DA JE BOJSE UN DOVEZA ONI DVUA ČA SU UKRALI STUAROJ 300 HILJA KUN, SA VIŠ TI TO, VALJA SU MU BAR DOBRO MANČE OSTAVILI NA TOLIKO ŠUOLDI.

ZAPIVAJMO PA ĆEMO GA OSUDITI.

*********PISMICA**********

I SADA SLIJEDI DA OSUDIMO VUOGA NAŠEGA KRNEVUALA...

LIPO JE UN LJUDI MOJI MUHTO POLOŽI ZA VATROGASCA I DOŠA JE NA KOMANDU. ODMA JE DOBI I POSLOVNI PROSTOR I I KOMBI I JOŠ KI ZNUA ČA.

I TAKO SU MAŠKARE IZGUBILE RADIONU. SVE BI TO BILO DOBRO DA U TUOJ RADIONI NISU OSTALE STVUARI KIE SU U VLASNIŠTVU MAŠKAR, A TO SU KARIĆ ZA KRNEVUALA ZASTAVA I NOVA PLOČA ZA PEČIENJE.

TO JE DOBILO NOGE I NORMALNO DA NIKO NE ZNA DI JE TO DOSPILO. A KAKO JE OVUAJ NUAŠ VATROGASAC GLUAVNI OD SVIJEGA TUOGA, ODLUKA JE PALA DA JE TO UPRAVO UN, I OSUDIĆEMO GA I KRIV JE... I SA ĆEMO GA NAŽGATI... PA KOJE PRUAVI VATROGASAC NEKA SE SUN UGUASI... NALOŽI GA... I NEKA DIMI ... A MI ĆEMO SA PROČITATI ZUAČ JE KRIV.

ZNUAČI OPTUŽENOGA KUALJSKOGA VATROGASCA PROGLUASIĆEMO KRIVIN JER JE UKRA I IZGUBI KARIĆ OD MAŠKAR, UKRA JE PLOČU ZA PEČIENJE...

IZGUBI JE ZASTAVU KUA JE ZAŠTITNI ZNUAK MAŠKAR VEĆ DUGI NIZ GODIN...

UZ SVE TO...

TERETI GA SE JOŠ I ZA POSKUPLJIENJE KOMUNALNE NAKNADE, ...NEOSVITLJENE ULICE A ISTO TAKO I ZA ONE BEZIMENE,

....OKRIVITI ĆEMO GA I ZUATO ČA SE JE ZATVORILA AMBULANTA,

... KRIV JE ZUATO ČA SE SKRAĆIVA RADNO VRIME POŠTE, KRIV JE ČA VIŠE TRAFIKE NIMAMO,

.....A KRIV JE BOGAMI I ZUATO ČA JE IZGORI ARKAJ....

KRIV JE I NEKA IZGORI.....

 

HVUALA LIPA LJUDI POZDRAV SVIMI I VIDIMO SE DOGODINE!!!!!!!!!!!!!!!!!!